1 августтан пенсияләр артачак: кемгә өстәмә түләү каралган һәм ул күпме тәшкил итәчәк?

1 августтан пенсионерларның кайбер категорияләре өстәмә акча алачак. Түләүләр кемгә арттырылачак, ул күпме тәшкил итәчәк һәм аларны яңадан ничек исәпләячәкләр?

1 августтан эшләүче пенсионерларга пенсияләр арттырылачак. 2022 елда кергән иминият взнослары суммасына карап өстәмә түләү ясалачак. Яңадан исәпләү автомат рәвештә башкарылачак. Гариза язарга кирәк түгел. Бу хакта "Европа юридик хезмәте" юристы Екатерина Туслякова "Лайф" басмасына сөйләде.

Шунысын да әйтергә кирәк, өстәмә түләүнең күләме чикләнгән. Ул өч пенсия баллын тәшкил итәргә тиеш. Монда хезмәт хакы күләме, шулай ук стаж дәвамлылыгы да мөһим. Арткан очракта алдагы елда алынган баллар исәпкә алына.

- Әгәр өлкән кеше үзенә нинди өстәмә коэффициент бирелгәнен белсә, ул "Дәүләт хезмәтләре" ("Госуслуги") порталында төгәл санны белә ала. Мәгълүматны Социаль фондта да ачыкларга мөмкин. Моннан тыш, коэффициентны мөстәкыйль рәвештә исәпләп чыгарырга мөмкин. Моның өчен исәпләү формуласын белергә кирәк. Монда алынган хезмәт хакының төгәл суммасын, шулай ук иминият взносларына киткән процентны күрсәтергә кирәк, — дип аңлата юрист Елена Кузнецова.

Шул ук вакытта, эшләүче пенсионер эшләүдән туктагач, аңа пенсиясен яңадан исәпләп чыгаралар. Ул индексацияләнәчәк. Алга таба 1 гыйнвардан өстәмәләр ясалачак. Бу көннән башлап эшләмәүче пенсионерларга пенсияләрне яңадан исәпләп чыгаралар.

Мәсәлән, 2023 елның 1 гыйнварыннан эшләмәүче пенсионерлар өчен иминият пенсиясе 4,8% ка арткан. 1 апрельдән 3,3 процентка социаль пенсия индексацияләнгән. Бу өстәмә түләү. планнан тыш индексация 2022 елның июнендә 10 процентка ясалган.

- Шулай ук картлык буенча иминият пенсиясе һәм туендыручысын югалту буенча иминият пенсиясе алучыларга түләүләр арттырылачак. Бу алар 2022 яки 2023 елда билгеләнгән һәм индивидуаль пенсия коэффициенты тулы күләмдә исәпкә алынмаган очракта эшләнеләчәк, — ди Екатерина туслякова.

Моннан тыш, август аенда пенсия 80 яшьтән өлкәнрәк кешеләргә арттырылачак. Алар өчен түләүнең билгеләнгән өлеше ике тапкыр артачак.

Шунысын да билгеләп үтәргә кирәк, 1 июльдән чит илдә яшәүче пенсионерлар өчен яңалыклар барлыкка килде. Аларга исән булулары фактын раслау җиңелрәк булачак. Моның өчен хәзер "дәүләт хезмәтләре" порталы аша тиешле гариза җибәрү җитә.

Чыганак: Шәһри Казан