“ТАТМЕДИА” канаты астында нәшер ителүче кимендә өч басмага язылып, квитанцияләренең күчермәләрен әлеге җәмгыятькә юллаган әбунәчеләр арасында 15 февральдә призлар уйнатыла.
Вәгъдә ителгәнчә, төп бүләк – телевизор. Призлар арасында фотоаппарат, юрган, кызыксындыру бүләкләре дә булачак.
Акциядә катнашу өчен республика районнарыннан 200 әбунәче квитанцияләр юллаган. Алар арасында безнең укучыларыбыз да бар. Менә алар: Тирсәдән Раушания Низамбиева һәм Ләйсирә Нәфыйкова, Иж-Бубыйдан Гөлзидә Сутягина, Салагыштан Әлфия Мөхәммәдиева. Сүз уңаеннан: узган елның шушы чорында акциядә катнашу өчен ун райондашбыз квитанция күчермәләрен юллаган иде.
Әбунәчеләребезгә уңышлар телибез. Нәтиҗәләрне 15 февральдән соң хәбәр итәрбез.
Районыбызга кагылышлы яңалыклар белән безнең Telegram-каналдан танышыгыз
Нет комментариев