“Әгерҗе хәбәрләре“нә арзан бәядән язылып калыгыз

Ничек итеп дисезме? Беренчедән, әлеге көннәрдә почта элемтәсе бүлекчәләре аша башка матбугат чараларына кебек үк район газетасына да ташламалы бәядән – 634,92 сумга язылырга мөмкин. Икенчедән, “ТАТМЕДИА“ җәмгыяте җитәкчелегендә нәшер ителүче кимендә өч басмага алты айга ташламалы шартларда язылып, квитанцияләренең күчермәләрен юлласагыз,“Язылган өчен – телевизор“ акциясендә бүләк оту мөмкинлеге дә барлыкка килә. Юллау өчен адрес: 420066, Казан, Декабристлар урамы, 2нче йорт. Шулай ук podpiska@tatmedia.ru электрон адресына да җибәрә аласыз. “Акция“ дигән билге куярга һәм телефон номерыгызны күрсәтергә онытмагыз. 
Безнең әбунәчеләр әлеге акциядә елның-елында актив катнашалар. Бүләк отучылар да күп. Быел да бүләкләр саллы: телевизор, цифрлы фотоаппаратлар, юрганнар. Иң зур суммага язылучыларга кызыксындыру призлары да каралган. Өч райондашыбыз әлеге акциядә катнашу өчен квитанцияләр юллаган инде. 
Санаулы көн тиз уза. Башка мондый мөмкинлек булмаячак. Файдаланып калыгыз, дуслар! Яңа елда да бергә булыйк!