Әгерҗе районы юл хәрәкәте яшь инспекторлары «Имин көпчәк-2025» бәйгесендә осталык күрсәтте

Исәнбай мәктәбендә «Имин көпчәк 2025» юл хәрәкәте яшь инспекторларының республика конкурсының сайлап алу туры узды, дип хәбәр итә “Мәгариф идарәсе”. 

Аның максаты - балалар юл-транспорт травматизмын профилактикалау. 

Ярышларда Әгерҗе районының алты мәктәбеннән Красный бор, Күләгәш башлангыч мәктәбе - балалар бакчасы, Кадыбаш урта мәктәбе, Салагыш урта мәктәбе, Бима һәм Исәнбай урта мәктәбе командалары катнашты. 

Укучылар түбәндәге этапларда көч сынаштылар: 
1. Юл хәрәкәте кагыйдәләрен белү
2. Медицина: беренче медицина ярдәмен күрсәтү теоретик белемнәрен һәм практик күнекмәләрен күрсәтү. 
3. Велосипедта фигуралы йөртү: төрле каршылыклар булган махсус трассада велосипед белән идарә итү күнекмәләрен бәяләү.  
4. Иҗади конкурс: юл хәрәкәте куркынычсызлыгына багышланган иҗат номерлары. 

Нәтиҗәдә урыннар түбәндәгечә билгеләнде: 
1 урын -Исәнбай мәктәбе,
 2 урын - Красный бор мәктәбе,
 3 урын –Бима мәктәбе
 

1 һәм 2 урыннарны яулаган Исәнбай һәм Красный Бор командалары 18 апрельдә Әгерҗе шәһәрендә узачак муниципаль этап финалында катнашачак. 
Аларга уңышлар һәм яңа җиңүләр телибез!