Әгерҗедән яшь инженерлар Ижауда узган күргәзмәдә үз эшләнмәләрен күрсәттеләр

Ижауда балалар техник иҗатын үз эченә алган 5 нче төбәкара күргәзмә-конкурс тәмамланды, ул Әгерҗенең яшь техниклары өчен бик уңышлы узды, дип хәбәр итә «2нче мәктәп». 

2 нче мәктәпнең 4-6 сыйныф укучылары үзләренең инновацион эшләнмәләрен һәм “робофутбол” уйнау осталыгын жюри һәм күпсанлы тамашачылар хөкеменә тәкъдим итеп, югары белем һәм иҗади фикерләү дәрәҗәсен күрсәттеләр. 

Аларның сәләте һәм үҗәтлеге югары бәяләнде:

-Гайфуллин Сәгыйть (4Б сыйныфы), Латыйпов Роман (5А сыйныфы) һәм Шиябетдинов Рамил (5А сыйныфы) “Идарә ителә торган роботлар футболы ” номинациясендә I дәрәҗә дипломнар белән бүләкләнделәр

-Сизов Игнат (6Б сыйныфы) “Инженерлык эшләнмәсе” номинациясендә III дәрәҗә дипломга лаек булды.

Котлыйбыз!

Районыбызга кагылышлы яңалыклар белән безнең  Telegram-каналдан танышыгыз