2021 елга йомгак ясадылар
Әгерҗе районы ЗАГС бүлегендә 2021 елга йомгак ясадылар.
Узган ел Әгерҗе районында 208 сабый дөньяга килгән. Аларның 108е – малай, 100е – кыз. 52 гаиләдә – беренче, 76 гаиләдә – икенче, 50 гаиләдә – өченче, 30 гаиләдә дүртенче һәм аннан күбрәк сабый дөньяга килгән. Әгерҗедә яшәүче Айнур–Анастасия Әхмәтҗановлар гаиләсендә игезәкләр Раяз, Нияз туган.
Иң яшь әнигә – 19, иң яшь әтигә 24 яшь. Иң өлкән әни – 42, иң өлкән әти 52 яшьтә.
ЗАГС бүлегендә 111 парның никахы рәсмиләштерелгән. 150 пар аерылышкан.
Узган ел 584 райондашыбыз мәңгелеккә күчкән. Вафат булучыларның 297се – ир-ат, 287се – хатын-кыз.
Чагыштыру өчен: 2020 елда 234 сабый туган, 536 кеше вафат булган. 100 пар гаилә корган, 90 гаилә таркалган.
Районыбызга кагылышлы яңалыклар белән безнең Telegram-каналдан танышыгыз
Нет комментариев