Әгерҗе районында хәйрия концертлары узачак

Әгерҗе районында хәрби-якташларыбызга ярдәм итү максатыннан бәйрәм хәйрия концертлары узачак. Бу хакта оештыручылар хәбәр итә.

2 ноябрь көнне 19.00 сәгатьтә Ямурза авылында Крынды, Кичкетан, Ямурза авыл клубларының иҗат коллективлары чыгыш ясаячак.

3 ноябрь көнне 19.00 сәгатьтә Әгерҗе шәһәрендә Л.Айтуганов исемендәге мәдәният йортында үзешчән сәнгать коллективлары катнашында киң концерт программасы узачак.

4 ноябрь көнне 19.00 сәгатьтә Иж-Бубый мәдәният йортында “Йөрәкләрдә хисләр өермәсе“ хәйрия концерты була.

Әлеге концертларга Әгерҗе районының күп кенә авыл җирлекләрендә дә хәйрия бәйрәм чаралары оештырып кушылачаклар.

Билет сатудан кергән акчалар махсус хәрби операциядә катнашучыларга ярдәм күрсәтүгә китәчәк.