Әгерҗенең үзәк мәйданында язгы ярминкә һәм “Нәүрүз“ бәйрәме узачак

26 мартта Әгерҗенең үзәк мәйданында язгы ярминкә һәм “Нәүрүз“ бәйрәме уза.

Ярминкә, гадәттәгечә, иртәнге сәгатьләрдә үк район хакимияте һәм Мәдәният сарае каршындагы мәйданнарда оештырыла. Шәһәр халкына ит, сөт һәм сөт ризыклары, яшелчәләр, бал, ашлык һәм башка авыл хуҗалыгы продукцияләре тәкъдим ителә. Ярминкәдә авыл җирлекләре  хезмәтчәннәре дә катнаша.

Сәгать 10да үзәк мәйданда “Нәүрүз“ бәйрәме башлана. Шәһәр халкына һәм кунакларга театральләштерелгән күренеш, җыр-биюләр тәкъдим ителәчәк, уеннар оештырылачак.

Бәйрәмгә килүчеләрне коймак һәм ботка белән сыйлаячаклар.

  0+