Азёво волонтерлары махсус операция зонасындагы егетләргә ярдәм итә

Азёво авылының волонтерлар командасы ирешелгәннәрдә тукталып калмый - аларның ярдәме һәм кайгыртуы СВО зонасындагы егетләребезнең йөрәкләрен җылытуны дәвам итә. 

Райондашларыбызның ярдәмчеллеге аркасында, безнең яклаучыларыбыз кирәк-яраклар - җылы оекбашлар, эчке киемнәр, сөлгеләр, мунчалалар, маскировка челтәрләре белән тәэмин ителә. Әлеге авыл волонтерларының көче белән яшьләр үзәгенә мөһим әйберләрдән торган посылкалар җибәрелеп тора.  

Бәяләп бетергесез зур өлеш керткәнегез өчен барыгызга да рәхмәт. Бергә без көчлерәк!