ЮИД «Стоп» отряды чыгыш ясады
Кичә "Киров" территориаль иҗтимагый үзидарәсендә халыкара өлкәннәр көненә багышланган чара узды. Аны Әгерҗе районы "Юл хәрәкәте куркынычсызлыгы" ДБУ бүлекчәсе башлыгы Тимкина Раушания Васим кызы оештырды.
Әби-бабайлар алдында Елена Кондрашина җитәкчелегендә 4нче урта мәктәп укучылары составындагы ЮИД «Стоп» отряды чыгыш ясады. Алар чын концерт куйдылар: шигырьләр укыдылар, җырлар җырладылар. Балалар юл хәрәкәте кагыйдәләрен үтәүнең мөһимлеге турында да искә төшерделәр.
Чарада шулай ук ЮХИДИ бүлекчәсе башлыгы Капилов Олег Ринат улы, өлкән инспектор Йосыпова Ләйлә Шамил кызы да катнашты.
Олег Ринатович, өлкән яшьтәге кешеләргә мөрәҗәгать итеп, балалар һәм өлкән яшьтәге кешеләрнең юл-транспорт һәлакәтенә эләгү куркынычына ешрак дучар ителүен билгеләп үтте. Ул, сак һәм игътибарлы булырга, барлык юл кагыйдәләрен үтәргә чакырды.
Истәлекле бүләкләр тапшырып, ЮХИДИ бүлеге җитәкчесе килгән кунакларны бәйрәм белән котлады, аларга зур сәламәтлек һәм озын гомер теләде.
Чара рәхмәт сүзләре һәм күңелле музыка белән тәмамланды.
- Бүген, һава шартлары начар булуга карамастан, биредә җыелып, безнең өчен кечкенә, ләкин бик күңелле бәйрәм оештырганыгыз өчен барыгызга да рәхмәт. Без кунакларга һәрвакыт шат, ешрак килегез, - диде «Киров» ТОСы җитәкчесе Клара Безбородова.
Районыбызга кагылышлы яңалыклар белән безнең Telegram-каналдан танышыгыз
Нет комментариев