Халыктан сәламәтлек саклау мәсьәләләре буенча мөрәҗәгатьләр кабул ителә

Сәламәтлек саклау системасы эшенең нәтиҗәлелеген арттыру мәсьәләләре буенча киңәйтелгән киңәшмәгә әзерлек кысаларында район җитәкчелеге халыктан 2021 елның 06 сентябренә кадәр Әгерҗе үзәк район хастаханәсе поликлиникасы, стационары, ФАПлар, ашыгыч ярдәм күрсәтү буенча тәкъдимнәр, кисәтүләр җибәрүләрен сорый.

Бу хакта районның ВКонтактедагы рәсми аккаунтында хәбәр ителә. Хәбәрләрнең аноним булуы гарантияләнә.

Priemnaya.Agryz@tatar.ru электрон адресына, 2-11-58 телефоны буенча, шулай ук Әгерҗе муниципаль районы башлыгы инстаграмына @azatvalev тәкъдимнәр һәм искәрмәләр җибәрүегезне сорыйбыз.