Әгерҗе чаңгычылары пьедесталга күтәрелделәр
Красный Ключ бистәсендә “Нефтехимик“ спорт клубы призына чаңгычылар арасында кросс буенча республика ярышлары узды.
Парадта Түбән Кама, Әлмәт, Яшел Үзән, Чаллы, Сарман, Актаныш, Әгерҗе, Зәй, Алабуга шәһәрләреннән 170 спортчы катнашты. Алар арасында спорт мастерлары, спорт мастерлыгына кандидатлар, спорт разрядларына ия егет-кызлар бар иде.
Катаншучылар 7 яшь төркемендә 1 чакрымнан 5 чакрымга кадәр узыштылар.
2004-2005 елгылар арасында Әгерҗе спорт мәктәбеннән Зинаида Николаевага тиңнәр булмады.
2002-2003 елгылардан райондашыбыз Богдан Павлов – икенчедә.
Спортчыларны ярышка тренерлар Геннадий Орехов һәм Евгений Яркеев әзерләделәр.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев