Әгерҗе чаңгычылары республика ярышында өченче урын алдылар

Зәйдә Татарстан Республикасы чемпионатында 23 командадан иң көчле чаңгычылар катнашты. Алар арасында безнең район данын Әгерҗе спорт мәктәбе егет-кызлары яклады. Ирекле стиль белән спринтта Богдан Павлов ярымфиналга кадәр барып җитте һәм 11нче урын яулады. Нәтиҗәдә, спорт мастерлыгына кандидат нормативын үтәде. Максим Бочкарев – егерменче урында. Ә команда спринтында егетләр финалда өченче урын алдылар.

Ике дисциплина буенча Әгерҗе командасы авыл районнары арасында алтынчы урынга лаек булды.

Чаңгычыларны ярышка тренерлар Евгений Яркеев һәм Геннадий Орехов әзерләделәр.