Әгерҗе спортчылары ярышлардан зур җиңүләр белән кайтты

28 март көнне Яр Чаллы шәһәрендә "Ватан уллары" төбәк үзәгенең армия кул көрәше буенча ачык шәхси беренчелеге узды. Ул Россия Федерациясе Кораллы Көчләренең махсус бүлекчәләре ветераннарына багышланды.

Майоров Р.А. җитәкчелегендә "Кул сугышы" берләшмәсеннән "Талантлар салават күпере" балалар-яшүсмерләр мәктәбеннән 45 спортчы әлеге чарада актив катнашты.

Катнашу нәтиҗәләре буенча балалар 42 призлы урын яуладылар.

Спортчыларны җиңүләре белән котлыйбыз!