Әгерҗедә чаңгы сезонын ябуга багышланган ярышлар узды
Укучылар һәм спорт сөючеләр чаңгы юлларына чыкты
Бүген Әгерҗедә чаңгы сезонын ябуга багышланган ярышлар узды. Анда мәктәп укучылары, хезмәт коллективларыннан спорт сөючеләр катнаштылар. Чаңгы юлларына чыгучыларны район башлыгы Азат Вәлиев та сәламләде. Әгерҗе спортчыларын сезонны уңышлы ябулары белән котлады. Старт сызыгына басарга әзерләнүчеләргә уңышлар теләде.
Быелгы соңгы ярышны эстафета итеп уздырдылар. Иң беренче стартка башлангыч сыйныф укучылары чыкты. Алар берәр чакрым юл үттеләр. Пьдесталның иң югары баскычына Бима мәктәбе чаңгычылары менде.
Аннан старт югарырак сыйныф укучыларына бирелде.
– Эстафета ул үзең өчен генә түгел, командаң өчен тырышу. Шуңа күрә үзеңне үзең аямыйча узышырга кирәк, – диде 3нче мәктәпнең 5 сыйныф укучысы Ислам Арсланов.
Әнә шулай, һәркем бу көнне җиңү өчен җан атты. Пьдесталга күтәрелүчеләрне медальләр белән бүләкләделәр. Командаларга Грамоталар тапшырылды.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев