Әгерҗелеләр ярышлардан грамоталар һәм дипломнар белән кайтты

Узган атнада Алабуга шәһәрендә җәмәгать тәртибен саклау буенча яшьләр студентлар берләшмәләре арасында зона спартакиадасы уздырылды. «Форпост» үзәге активистлары, Түбән Кама агросәнәгать көллияте филиалы укучылары һәм шәһәрнең төрле мәктәпләреннән килгән кызлар әлеге ярышларда бик теләп катнаштылар.

Лаеклы чыгышның нәтиҗәсе булып, балаларга грамоталар һәм дипломнар тапшырылды. Ярышлар бик мавыктыргыч һәм кызыклы килеп чыкты. Балалар үз көчләрен күрсәтә алдылар һәм башка командалар өчен яхшы көндәш булдылар.

Афәрин! Сезгә киләчәктә дә спорт җиңүләре телибез!