Әгерҗенең 18 яшьлек хоккейчысы Максим Грошев яңа үрләр яулый

18 яшьлек якташыбыз - һөҗүмче Максим Грошев Петербургның СКА командасы белән контракт төзегән. Бу хакта хоккей клубының рәсми сайтында хәбәр ителә.

Форвард 28нче номер астында чыгыш ясаячак.

Максим Грошев Әгерҗедә туган. Ул юниорлар һәм яшьләр арасында дөнья беренчелекләренең вице-чемпионы. КХЛда һөҗүмче 55 матч үткәрде, шул исәптән өчесен плей-оффта.

Элегрәк «Санкт-Петербург» телеканалы Петербург СКА Швеция җыелма командасы сакчысы Оскар Фантенберг белән килешү төзеде, дип хәбәр иткән иде.