Тимерьюлчы ветераннар спорт ярышларында сыналдылар
Бүген Әгерҗе стадионында тимерьюлчы ветераннар өчен спорт чарасы узды. Тимер юлда төрле тармакларда хезмәт куйган өлкән буын ярышларда сыналды. Әлеге чарада барлыгы 70кә якын ветеран катнашты.
Ветераннар советы җитәкчесе Любовь Максимова, иң беренче ветеран тимерьюлчы Флүрә Вәликәеваны 75 яшьлек юбилее белән котлап, аңа бүләк тапшырды. Аннан ярышларга старт бирелде.
Ир-егетләр һәм хатын-кызлар йөгерү буенча эстафетада җитезлекләрен, аркан тартуда көчләрен күрсәттеләр. Туп белән йөгерү, чүлмәк вату, бер-берсенә яулык бәйләтү ярышлары да бик күңелле һәм кызык булды.
Җиңүчеләргә һәм катнашучыларга ветераннар советы исеменнән бүләкләр тапшырылды. Соңыннан күңелле аралашу чәй табыны артында дәвам итте.
Соңгы елларда матур традициягә әйләнгән әлеге спорт чарасын алдагы елларда уздырырга сүз куештылар.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев