«Ошамагач, нигә 2 бала таптың соң?»: Ильмира Нәгыймованы хайп ясауда гаеплиләр

Җырчы Ильмира Нәгыймова социаль челтәрләргә чәчәк бәйләме белән йөзек рәсеме урнаштыргач, кияүгә чыгарга тәкъдим ясаучының кем икәнлеге белән кызыксынучылар арткан. «Директым бер сорау белән тулган: «Йөзекне кем бүләк итте?» –  дип язган ул сәхифәсендә. Җырчы әлеге темага нокта куярга һәм виртуаль дусларын тынычландырырга уйлаган. Бу хакта Интертат яза.

«Кем бүләк иткәне – сер. Кияүгә чыгу турында бер генә сүз әйтә алам: якын арада кияүгә чыкмыйм, чыгарга да җыенмадым. Мин инде хәзер элекке акылсыз хатын түгел. Моннан 10 ел элеккеге Нәгыймова да түгел.

Кияүдә булдым һәм миңа анда ошамады.

Менә сезгә җавап», – дигән ул.

Әлеге посты астында да Ильмираны гаепләргә онытмаганнар. «Сер булгач, нигә дип ул фотоны күрсәттегез соң? Игътибар җитмиме әллә?», «Фото хайп өчен кирәк идеме?», «Ошамагач, нигә 10 ел яшәдең, 2 бала таптың соң?», «Сер булса да, хайп кирәк булды шул сиңа», – дигән эчтәлектәге комментарийлар язганнар.