Кыш бабай белән Кар кызы бүләк өләшә

• Әлеге акцияне икенче ел рәттән оештырабыз. Дөрес, Кыш бабай белән Кар кызы ерак авылларда эшләүче хезмәткәрләрнең өйләренә барып җитә алмыйлар. Ә менә Әгерҗедә һәм Иж-Бубыйда эшләүче хезмәткәрләрнең балаларына бүләкләрне өйләренә илтеп тапшыралар. Алар бездә – 35. Ә район күләмендә барлыгы 57 бала бүләк ала, – ди газ-эксплуатация хезмәте җитәкчесе Рамил Гыймазов.

Әлеге сөенечле көнне балалар да көтеп алалар икән.

• Кыш бабай белән Кар кызы бүләк алып килә дигәч, балаларыбыз шигырьләр дә ятладылар, җырлар да өйрәнделәр. Кунакларга биеп тә күрсәттеләр. Чыршы әйләнәсендә Кыш бабай һәм Кар кызы белән рәхәтләнеп күңел ачтылар. Безнең балаларны сөендергәннәре өчен бик зур рәхмәт, – диләр Хөснетдиновлар һәм Рыковлар гаиләләре.