Законсыз төстә ылыслы агач кискән өчен штраф каралган

Кибетләрдә ясалма чыршыларны сайлап алу мөмкинлеге булса да, күпләр Яңа ел бәйрәменә өй түрләренә яшел урман чибәркәен куюны өстен күрәләр. Әмма алар урман байлыгына күпме зыян китерүләрен генә аңламыйлар.

Бу көннәрдә урманнарда яшь чыршыларны саклау буенча кизү тору графигы төзелде. Урманчылар, полиция хезмәткәрләре белән берлектә рейдларга чыгып, ылыслы агачларга “һөҗүм“ итүчеләрне“, аларны алып кайтучыларны тикшерәләр.

Урман байлыкларына законсыз кул сузучыларга штраф та каралган:

физик затларга – 3-4 мең сум;
вазифаи затларга – 20-40 мең сум;
юридик затларга – 200-300 мең сум.

Хокук бозучы шулай ук бер кечкенә ылыслы агач өчен ике мең сумга кадәр зыян күләмен дә капларга бурычлы.

Яңа елга чыршыларны Әгерҗе урманчылыгыннан сатып алырга мөмкин. Телефон: 22842.  

Андрей МУРЗАНАЕВ,
Әгерҗе урманчылыгы инженеры.