“Чери Тигго“ һәм “Шевроле Нива“ автомобильләре бәрелешү нәтиҗәсендә Уразайдан 46 яшьлек ханымның гомере өзелде

3 июньдә кичке сәгать 5ләр тирәсендә Бима–Пеләмеш–Иске Чекалда киселешендә юл-транспорт һәлакәте булды. 

“Чери Тигго“ һәм “Шевроле Нива“ автомобильләре бәрелешү нәтиҗәсендә чит ил машинасы белән идарә иткән Уразайдан 46 яшьлек ханымның гомере өзелде. Фаҗига Пеләмеш ягыннан хәрәкәт иткәндә ханымның төп юлдан килгән автомобильгә юл бирмәве аркасында килеп чыга. 

Алган тән җәрәхәтләреннән хатын урында ук җан бирә. Әлеге фаҗигадә биш кеше төрле тән җәрәхәтләре ала. Гомере өзелгән ханымның 13 яшьлек улы авыр хәлдә хастаханәдә ята. Аның игез сыңары зыян күрмәгән. 
ххх   

Хөрмәтле райондашлар! Юл фаҗигасендә һәлак булган ханымның игезәк малайларына  сезнең ярдәм кирәк. Әгәр мөмкинлегегез булса, акчалата ярдәмне 89172638867 номерына күчерә аласыз (Сбербанк картасына беркетелгән).