Гашыйклар көне белән, дуслар!

Мәхәббәт - дөньяда булган иң изге, иң матур хисләрнең берсе. Һәр йөрәк аны үзенчә аңлый, үзенчә кабул итә.

Европада Гашыйклар көнен XIII гасырдан башлап билгеләп үтәләр. Ел саен 14 февральдә гашыйклар бер-берсенә йөрәк, фәрештә һәм күгәрчен рәсеме төшерелгән открыткалар юллый. Россиялеләр әлеге шаукымга егерме еллар элек кенә кушылды әле. Шулай да ул бик тиз арада күпләрнең яраткан, көтеп алган бәйрәменә әйләнде.

Әй, мәхәббәт,

Мин бит синсез -

Җилсез агач,

Сусыз дулкын,

Гөлсез тәрәз,

Тынсыз тавыш,

Телсез фикер,

Илсез бәхет,

Җирсез тирәк...

Әй, мәхәббәт,

Мин соң синсез

Кемгә кирәк,

Кемгә кирәк?

дип язган яраткан шагыйребез Ринат Харис.

Яратып-яратылып, сөеп һәм сөелеп яшәгез, дуслар. Изге Вәли көне, Гашыйклар көне белән сезне!