Әгерҗедә чернобыльчеләрне искә алдылар

26 апрель – радиация һәлакәте корбаннарын искә алу көнендә Әгерҗедә чернобыльчеләрне, вафат булганнарының тол хатыннарын  митингка җыйдылар. Әгерҗе районыннан радиация һәлакәтен бетерүдә 20 ир-егет катнашкан.

Шәһәр Башкарма комитеты җитәкчесе Әнвәр Рәхмәтуллин, хәрби комиссар Илгиз Галиев 35 ел элек Чернобыль атом электростанциясенең дүртенче энергия блогында булган һәлакәт нәтиҗәләрен бетерүдә катнашкан батыр ирләребегә тирән ихтирамнарын белдерделәр, рәхмәт сүзләрен җиткерделәр.

Чернобыль һәлакәте корбаннарын бер минут тынлык белән искә алганнан соң, алар хөрмәтенә куелган ташка чәчәкләр салдылар.