Изге урынга сәяхәт

Районның тарих һәм мәдәни мирас музее изге Болгар һәм Свияжск җирләренә сәяхәтләр оештыруын дәвам итә.
"Болгарга сәяхәткә соңгы тапкыр районнан барлыгы 34 кеше барды, аларның 20се авыллардан иде. Берничә мәчеттә, чиркәүдә булдык. Шулай ук борынгы татар авылы өен, ат абзарын, икмәк сараен һәм башка тарих сурәтләнгән музей-комплекска кердек. Болгарга алдагы сәяхәт август башларына планлаштырыла. Свияжскига бару турында да уйлыйбыз", - ди музей җитәкчесе Рәмзилә Шакирова. Изге җирләргә барырга теләгегез булса, 22757 телефонына шалтыратыгыз.