Көчек авылының каты куллы спортчылары зур җиңү яуладылар

Көчек авылы спортчылары Миләүшә Гыймранова һәм Рияз Баһаутдинов кул көрәше буенча Түбән Новгородта Идел буе федераль округы беренчелегенә узган ярышларда катнаштылар.

Оренбург, Самара, Ульян, Пенза өлкәләреннән, Башкортостан, Чуашстаннан, Пермь краеннан һәм Россиянең башка төбәкләреннән килгән иң көчле спортчылар белән кул көрәштергән Әгерҗе спортчылары сынатмадылар. Миләүшә дә, Рияз да ике куллары белән алтын медальләр яуладылар.