«Московский комсомолец» хәбәр иткәнчә, Мавродины төнлә 67нче шәһәр хастаханәсенә китергәннәр. Автобус тукталышында аның хәле начарайган.

Эшкуар кичә иртән вафат булган. Үлеменең башлангыч сәбәбе – йөрәк өянәге.

Сергей Мавроди җитәкләгән «МММ» - Понци схемасы буенча эшли торган Россиядәге мәшһүр финанс пирамидасы. Ул 1992 елның октябрендә төзелә, 1997 елда исә мошенниклыкта гаепләнеп хакимиятләр тарафыннан ябыла.

2003 елда Сергей Мавродины 4,5 елга ирегеннән мәхрүм итәләр. Тикшерүчеләр тарафыннан 10 мең кеше финанс пирамидасыннан зыян күргән дип табыла.