Халыкка социаль ярдәм күрсәтү комплекслы үзәгендә көн саен 40 маска тегәләр.
Илдә катлаулы вәзгыять – коронавирус белән көрәш барган вакытта Әгерҗедәге “Өмет“ үзәге хезмәткәрләре бу атна башында ук битлекләр тегү белән шөгыльләнә башладылар. Иң беренче үзләрендә эшләүче 67 хезмәткәрнең һәрберсенә дүртәр маска теккәннәр.
- Без үзәк белгече Любовь Белослудцева кулы астында эшлибез. Ул машинада тегә, ә без тукымалардан тиешле үлчәмдә битлекләр кисәбез, – ди үзәк директоры Ольга Еремина.
“Остаханә“дән көн саен кырыкка якын маска “чыга“. Алар бик тиз арада туганнар, күршеләр, танышларга, үзәк карамагындагы гаиләләргә таратыла.
Районыбызга кагылышлы яңалыклар белән безнең Telegram-каналдан танышыгыз
Нет комментариев