Тирсәдә Кырымның Россия белән берләшү көненә багышланган интеллектуаль уен узды

Бу турыда «Тирсә мәктәбе» хәбәр итә.

Бүген Кырым ярымутравының Россия белән кушылуына унбер ел тула. 

2014 елның нәкъ шушы көнендә Кырым Республикасы һәм Севастополь шәһәр - герое референдум нәтиҗәләре буенча рәсми рәвештә Россия Федерациясе составына  керделәр. 

Гадәттә, 18 март көнендә Кырым Республикасының барлык шәһәрләрендә, Севастополь шәһәр-героенда һәм Россиянең күп кенә башка шәһәрләрендә тантаналы бәйрәм чаралары уза. 
Кичә Тирсә мәктәбендә бу тарафтан “Кырым турында сөйләшү” интеллектуаль уены оештырылды. Уенны директорның тәрбияви мәсьәләләр буенча киңәшчесе Сөләйманова Г.В. үткәрде.

Чара телевизион “Үз уены” форматында узды. Уенда 8нче сыйныф укучылары катнашты. 

Уен барышында катнашучылар Кырым ярымутравының легендалары турында белделәр, Кырым тарихының мөһим даталарын искә алдылар.