Әгерҗе күгендә НЛО күргәннәр

"Типичный Агрыз" төркемендә кызыклы пост барлыкка килде. Анда аноним укучы фотолар белән бүлешеп, аларда күк йөзендәге сәер очучы объект сурәтләнүен тасвирлый.

"Биектау басуын фотога төшергән идем һәм соңыннан гына әлеге фотоларда сәер яктыртып хәрәкәт итүче предметны күрдем. Бәлки, бу камерадан шундый таплардыр?!"- дип яза әлеге постның авторы.

Фотосурәтләр халыкта кызыксыну уятты. Кемдер бу смартфонның линзасыннан шулай яктыртадыр, дисә, кайберәүләр Иж-Бубый өстендә дә күктә шундый шар күрүе турында әйтә.

Ә сез бу уңайдан нәрсә уйлыйсыз?