Көчле җил һәм яшен вакытында нишләргә?

«Ватаным Татарстан»  газетасында ялга җыенучыларга киңәшләр чыкты. Иң элек алдагы көннәргә нинди һава торышы буласын белешегез.
Үзегез белән тиешле җайланмалар, җиһазлар, саклык чараларын алыгыз.

Көчле җил вакытында нишләргә?

якында бина булса, шунда керегез;

балаларны караучысыз калдырмагыз;

әгәр дә көчле җил чыкканда урамда булсагыз, җир асты юлларына яки бина подъездларында керегез;

бу вакытта йорт диварлары янында яшеренергә кирәкми, чөнки түбәләрдән шифер һәм башка түбә материаллары төшәргә мөмкин. Шулай ук җәмәгать

транспорты тукталышлары, төзелмәгән биналар янында ышыкланырга да ярамый;

урамда реклама щитларыннан, элмә такталардан, юл билгеләреннән, электр линияләреннән ерак торырга кирәк;

зур агачлар янында тормагыз. Агач астына машиналарыгызны куймагыз;

көчле җил булганда, электр линиясе астында тору һәм өзелгән электр чыбыкларына якынлашу бик куркыныч;

өстегезгә тәрәзә пыялалары, түбә калайлары, йортны бизәгән элементлар килеп төшмәсен. Ул урыннан читкә китегез;

йортларның барлык тәрәзәләрен нык итеп ябарга, балконнардан тышкы якка төшәргә мөмкин булган әйберләрне алып ташларга кирәк;

торак яки эш бүлмәсендәге тәрәзәләр янына якын килмәгез.

Яшен вакытында нишләргә?

әгәр дә сез велосипедта яки мотоциклда барганда яшенле яңгыр астында калсагыз, һичшиксез, туктап торыгыз;

машинада да барырга ярамый. Электроникасы бозылып, яшен сугу ихтималы зур;

яшен вакытында ачык урында булсагыз, җиргә ятарга киңәш ителә. Суга керергә ярамый. Янәшәгездә күл, сулык булмасын. Су яшенне үзенә тарта;

нинди генә бәла-каза булса да, «112» номерына шалтыратыгыз.