Сөлгеләр йомшарсын өчен нишләргә?

Сөлгеләрне кабат йомшарту өчен киңәшләр турында «АиФ» яза.

Каты су, кер порошогы, киптерү – йомшак сөлгене шулар катырак итә. Каты сөлге тән тиресенә травма ясый, андый сөлге белән сөртенү тәнгә рәхәт түгел.

Белгечләр сүзләренчә, керләрне юган чакта бераз кондиционер кушып җибәрсәң, каты су һәм киптерү зыяны кими. Иң мөһиме – артыгын кыланмаска, кондиционерны күп салсаң, ул сөлгенең су сеңдерү үзлеген начарландыра.

Аш серкәсе сөлгеләрне йомшартырга ярдәм итә. Бер чокыр (230-250 мл) аш серкәсен кер машинасына салып җибәрсәң, сөлгенең тукыма җепселләре йомшара, кер юа торган чараның калдыклары чыгып бетә, диелә хәбәрдә.

Чыганак: Интертат