«Орешник» паркы

Тасвирлама:
Парк үз кунакларын үсемлек төрлелеге белән гаҗәпләндерә.
Адресы:
Ориентир – Әгерҗе районы үзәк хастаханәсе (Энергетиклар урамы, 2)

Паркның төп өлешен урман массивы тәшкил итә һәм анда нарат, усак, чикләвек агач-куаклары үсә. Шуңа күрә «Орешник» буйлап йөреп кайту рухи һәм физик яктан уңай йогынты ясамый калмый. Паркта кече архитектура формалары да күп. Эскәмияле, өстәлле, ятаклы тыныч зона да бар. Паркның бөтен территориясе буйлап атынгычлар урнаштырылган. Биредә кечкенә һәм зуррак балалар өчен мәйданчыклар, тренажерлар, шулай ук баскетбол һәм волейбол уйнар өчен резин өслекле спорт мәйданчылары бар. Велосипедта һәм роликларда йөрү өчен аерым юллар тәгаенләнгән. Чаралар уздыру өчен сәхнә һәм зур амфитеатр куелган. Кышкы чорда биредә чаңгы прокаты эшли. “Орешник”тагы яктыртылган трасса җирле спортчыларның яраткан урыны булып тора. Җәйге чорда паркта туңдырма, эчемлекләр, фаст-фуд тәкъдим итүче ларек эшли.