Юлларда бозлавык барлыкка килергә мөмкин
Иртәгә Татарстанда җиңелчә буран һәм 32 градуска кадәр салкын булачак.
«Аязучан-болытлы һава торышы күзәтелә. Вакыт-вакыт кар явачак, төнлә урыны белән бераз кар булачак», — дип хәбәр иттеләр республиканың Гидрометеорология үзәге матбугат хезмәтендә.
Көндезге сәгатьләрдә республикада җиңелчә буран, көньяк-көнчыгыштан талгын җил көтелә.
10 февральдә төнлә 20.. 25 градуска кадәр салкын көтелә, урыны белән термометр баганалары -32 градуска кадәр төшәчәк. Көндез температура минус билгесе белән 12..17 градустан югарырак күтәрелми. Юлларда бозлавык барлыкка килергә мөмкин.
Нет комментариев