Исәнбай волонтерлары хәрбиләргә ярдәм итә: бердәмлек – җиңүгә юл
Исәнбай авылы халкы махсус хәрби операциядә катнашучы якташларыбызга ярдәм итүдә зур активлык күрсәтә. Авыл халкыннан, читтә яшәүче игелекле авылдашлардан җыелган акчага маскировка челтәрләре үрү өчен барлык кирәк-яраклар сатып алынган.
Бу көннәрдә Исәнбай мәдәният йорты эш остаханәсенә әверелгән. Авылның өлкән яшьтәге хатын-кызлары, яшьләр һәм хәтта укучы балалар да бу игелекле эштән читтә калмыйлар. Алар көн саен мәдәният йортына җыелып, хәрбиләребез өчен маскировка челтәрләре үрәләр.
Бүгенге көндә 3х6 метрлы 4 челтәр тулысынча әзер. Бу челтәрләр тиздән фронт сызыгына җибәреләчәк һәм егетләребезнең тормышын сакларга ярдәм итәчәк.
– Безнең өчен һәр челтәр – бу җиңүгә кечкенә булса да өлеш кертү дигән сүз. Балаларның да бу эштә катнашуы сөендерә, алар патриотик рухта тәрбияләнәләр, — дип билгеләп үтә волонтерлар.
Исәнбай авылында маскировка челтәрләрен үрү буенча эш тукталмый, волонтерлар алга таба да бу юнәлештә хезмәт итәргә планлаштыралар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев