Кәдрәклеләр хәрбиләр өчен 400 маскировка челтәре үргән

Кечкенә булуына карамастан, Кәдрәк авылында тормыш кайный.

Авыл клубын җитәкләүче яшь белгеч Александра Исаева актив һәм башкаларга карата битараф булмаган авылдашларын үз янәшәсенә җыеп, берләштерә алган. Алар инде елдан артык маскировка челтәрләре үрү, окоп шәмнәре ясау һәм махсус хәрби операция зонасында ил сагында торучы хәрбиләр өчен гуманитар ярдәм җыю белән шөгыльләнәләр. Йорт эшләрен бер читкә куеп, көн дә бирегә килеп, мөһим булган эш башкару өчен вакыт табалар бу игелек ияләре. 

Араларында волонтерлыкны төп эш белән бергә үрелдереп баручылар да шактый. 

“Башкача булдыра алмыйбыз”, - диләр алар.

Әлеге олы йөрәкле ханымнар – яхшылык һәм шәфкатьлелекнең чын үрнәге!