Көчек авылы җирлегендә - яңа башлык

Көчек авылы җирлегендә чираттан тыш утырыш узды. Биредә яңа башлык сайланды. Көчек авыл җирлеге белән җитәкчелек иткән Рөстәм Нурмөхәммәтов үз теләге белән эштән китү сәбәпле, вәкаләтләре туктатылды.

Депутатлар тавыш бирү юлы белән яңа башлык сайладылар. Әлеге вазифаны авыл җирлеге Советының 7нче бермандатлы сайлау округы депутаты Әлфирә Рәхимҗан кызы ТӨХВӘТУЛЛИНА башкарачак.

Ул 1967 елда туган. 1989 елдан башлап Көчек авыл җирлеге башкарма комитеты җитәкчесе урынбасары вазифаларын башкарды.