Казанда ике балалы гаиләнең өе санаулы минутлар эчендә янып беткән
Хәзер бу гаилә бөтенләй урамда калган, өй иминиятләштерелмәгән
Казанда зур янгыннан соң бер гаилә йорт-җирсез калган. Бу турыда «Татарстан 24» хәбәр итте.
Янгын гараждан башланган, аннары өйгә күчкән, һәм барысы да янып беткән. Янгын чыкканда өйдә 4 кеше – ир белән хатын һәм аларның 2 баласы була. Алар урамга чыга, бары тик бик кирәкле әйберләрен генә алырга өлгерәләр
Урынга килгән янгын сүндерүчеләр якындагы гидрант салкында каткан булуын ачыклый. Ул тулысынча боз астында була. Шулай итеп саналган минутлар эчендә өй янып бетә.
Хәзер бу гаилә бөтенләй урамда калган, өй иминиятләштерелмәгән.
Янгын сәбәпләре ачыклана, диелә хәбәрдә.
Чыганак: Интертат
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев