Россиянең халык артисты Зилә Сөнгатуллина Әгерҗедә мастер-класс бирде

9, 10 мартта Әгерҗе районы Мөслим, Минзәлә, Актаныш, Менделеев, Әгерҗенең яшь артистларын кабул итәчәк. Район Мәдәният сараенда “Созвездие–Йолдызлык“ республика фестиваленең зона этабы узачак. 

Әлеге чарага әзерлек кысаларында узган ялларда район башлыгы Азат Вәлиев тәкъдиме белән Әгерҗегә фестиваль директоры Дмитрий Туманов җитәкчелегендә Россиянең халык артисты Зилә Сөнгатуллина, Татар дәүләт җыр һәм бию ансамбленең баш балетмейстеры Раилә Гарипова, Сергей Безруковның Губернский театры вәкилләре килделәр. Алар яшь җырчылар, биючеләр, сүз осталары белән икенче тапкыр мастер-класслар уздырдылар.