"Созвездие-Йолдызлык" фестивалендә кайбер чикләүләр гамәлдә булачак
Барлык санитар нормалар да үтәләчәк
Республиканың ун шәһәрендә инде бу көннәрдә ел саен уздырыла торган «Созвездие-Йолдызлык» эстрада сәнгате фестиваленең зона этаплары узачак.
"Әгерҗе хәбәрләре" алдан хәбәр иткәнчә, фестивальдә аерым коллективлар, шулай ук 5 яшьтән 21 яшькә кадәрге башкаручылар катнаша ала.
Әгерҗе районы үзәкләштерелгән клуб системасы директоры Оксана Бородина әйтүенчә, Әгерҗе районында сайлап алу туры 9-10 мартта узачак. Катнашучылардан заявкалар җыю төгәлләнгән. Хәзерге вакытта көн саен диярлек репетицияләр уза.
"Катлаулы эпидемиологик вәзгыять аркасында фестивальдә кайбер чикләүләр гамәлдә булачак. Зональ этаплар барлык санитар нормаларны үтәп узачак", - дип билгеләп үтте ул.
Фото: архивтан
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев