Улы белән югалган әти кешене эзлиләр (ФОТО)

Башкортстанның «Отклик. Стерлитамак» волонтерлар төркемендә хәбәр ителгәнчә, нәни баласы белән югалган әти кешене эзлиләр. Бу турыда «Башинформ» яза.

Волонтерлар белешмәсе буенча, 12 декабрьдә 48 яшьлек Игорь Байстрюк улы Антон белән бергә ак төсле Chevrolet Aveo машинасына утырып чыгып китә.

Шуннан бирле алар турында белешмә юк. Чыгып киткәндә алар фотодагы кебек киенгән була. 

Бу кешеләр турында белешмәсе булучыларга шалтырату өчен номерлар: 8-987-10-60-601 яки 02.

Башкортстан буенча Эчке эшләр министрлыгы хәбәр иткәнчә, 12 декабрьдә 14 00 сәгатьтә баланың анасы полициягә гариза яза. Ул элеккеге иренең 4 яшьлек баланы ял көннәренә алып китүен һәм кире китермәвен әйтә. Хәзер ул яши торган урында юк. Аларны балигъ булмаган балалар һәм җинаятьчеләрне эзләү бүлеге хезмәткәрләре эзли.

Чыганак