Бер яшьлек кыз урамда кар ашап, агуланган

Ленинград өлкәсенең Мурино шәһәрендә бер яшьлек кыз кар белән агулану сәбәпле хастаханәгә эләккән, дип хәбәр итә ren.tv сайты.

Кыз көндез әнисе белән урамга һава суларга чыккан, ә кич аның хәле начарланган, дип китерә әлеге хәбәрне Шәһри Казан. Әнисе әйтүенчә, кар ашаганнан соң шундый хәл килеп чыккан.  

Хәзерге вакытта кызны авыр хәлдә хастаханәгә салганнар. Табиблар әйтүе буенча, кыз ашаган карда агулы матдәләр булган. Алар аркасында баланың хәле начарланган.