Әгерҗе районындагы сайлау участокларының 33е – авыл җирлекләрендә, 16сы шәһәрдә урнашкан. Бердәм тавыш бирү көнендә участокларга 24700дән артык райондашыбызны көтәләр.
Иң аз сайлаучы – 484нче санлы Сокман сайлау участогында. Биредә 116 сайлаучы тавыш бирергә тиеш. Район үзәгеннән иң ерак участок – 507нче санлы Девятерня сайлау участогы. Ул район үзәгеннән 125 чакрым ераклыкта урнашкан.
357 яшь райондашыбыз беренче тапкыр тавыш бирә. Аларга истәлек бүләкләре тапшырыла.
Әгерҗе районында иң өлкән яшьтәге сайлаучыга – 99 яшь. Ул – Әгерҗедә яшәүче тыл һәм хезмәт ветераны Екатерина Титова.
Бүген Татарстанда Бердәм сайлау көне уза. Республикада яшәүчеләр алтынчы чакырылыш Дәүләт Советы депутатларын сайлыйлар.
Районыбызга кагылышлы яңалыклар белән безнең Telegram-каналдан танышыгыз
Нет комментариев