Коронавирус көзгә кадәр тынып торачак

Россиядә Covid-19 коронавирусы белән бәйле вазгыять көзгә кадәр тыныч булырга охшаган. Авырулар санының артуы SARS-CoV-2 вирусының чираттагы мутациясе белән бәйле булырга мөмкин.

«Әгәр коронавирусның яңа мутациясе барлыкка килсә һәм “омикрон” га караганда активрак штамм чыкса, авырулар санының артачагын көтә алабыз». Табиб-инфекционист Евгений Тимаков шул хакта сөйләде. Бу турыда ТАСС яза., 

Тимаков фикеренчә, көзгә кадәр киләсе алты ай дәвамында «тынычлап яшәргә була». «Алга таба җәй ахырына башка илләрдә булырга мөмкин булган мутацияләргә җайлашырга кирәк булачак», — дип аңлатты ул.

Табиб сүзләренә караганда, Россиядә коронавирус чикләүләрен бетерү хәзер аңлашыла, чөнки илнең барлык халкы диярлек Covid-19 белән авырган инде.

Бу хакта тулырак