Әнисе урамда йоклатып калдырган 11 айлык бала һәлак булган

10 мартта Чехов шәһәрендә хастаханәгә 40 яшьлек хатын йөгереп килә, аның кулында 11 айлык бала була. Хатын нәни кызына ярдәм итүне сорый, ул баласының аңына килмәвен әйтә. Бу турыда «Комсомольская правда» яза.

Бала бик авыр хәлдә була, аны реанимациягә салалар. Анасын тынычландырырга тырышалар. Табиблар бер сәгать чамасы тырышса да, бала аңына килмичә вафат була.

Бала үлеме турында белешмәне полициягә бирәләр, алар тикшерү башлый. Анасын сораштыралар.

«40 яшьлек хатын сүзләренчә, ул кызын йорт ишегалдында коляскада йоклатып калдыра. Бер сәгать чамасы узгач әни кеше килсә, коляска әйләнеп капланган, бала аңсыз була. Гаилә яхшылар рәтендә, бер төрле хисапта да тормый», — дип сөйләгән «КП» чыганагы.

Хәзер бу гаиләнең якыннарын, танышларын сораштыралар, экспертизалар билгеләнгән.

Фото: https://pixabay.com

Чыганак