Татарстанда тәүлек эчендә ковидтан дүрт үлем очрагы теркәлгән
Ковидлы иң күп кеше Казанда (63), Чаллыда (34) һәм Яшел Үзән районында (17) теркәлгән
Узган тәүлектә Татарстанда коронавирус белән зарарлануның 247 яңа очрагы расланган. Covid-19 аркасында тагын дүрт үлем очрагы теркәлгән.
Ковидтан 1932 һәм 1930 елларда туган ике ир-ат һәм 1922 һәм 1931 елларда туган ике хатын-кыз үлгән.
Коронавируска каршы көрәш буенча республика оператив штабы мәгълүматларына караганда, 247 авыру арасыннан 12 пациентны хастаханәгә салганнар.
Ковидлы иң күп кеше Казанда (63), Чаллыда (34) һәм Яшел Үзән районында (17) теркәлгән.
Татарстанда пандемия башланганнан бирле 141 617 Covid-19 очрагы теркәлгән. Бу чорда 135 483 кеше сәламәтләнгән.
Узган тәүлек эчендә 54 кеше савыккан.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев