Чүпне кая куярга?

“Өй каршындагы үләнне чабып, җыеп, капчыкларга тутырып капка төбенә чыгарып куйган идем, чүп җыю машинасы алып китмәгән. Аны кая куярга?”.
А.Смирнов. Әгерҗе шәһәре. 

Әлеге сорауга “Әгерҗе шәһәре” муниципаль берәмлеге башкарма комитеты җитәкчесе урынбасары Руслан ВӘЛИЕВ җавап бирә:

–    Санитар икеайлык кысаларында (1 апрельдән 31 майга кадәр дәвам итә) мондый төр чүпне полигонга мөстәкыйль рәвештә илтә аласыз. Әмма иң элек “Төзелеш идарәсе” предприятиесеннән (Энергетиклар урамы, 8) рөхсәт талоны алуыгыз сорала. Әлеге предприятие шәхси сектордан андый төр чүпне үз транспорты белән алып китү буенча заявкалар да кабул итә. Бу төр хезмәт түләүле нигездә башкарыла. Белешмәләр өчен телефоннары – 22931.