Дустым белән хыянәт итте

Мин берьюлы иремне дә, якын дустымны да югалттым.

Иң авыры шул: икесенә дә ышана идем, икесе дә миңа кадерле иде. Башымда һаман да «ни өчен?» дигән сорау тора.

Аларның очрашып йөргәннәрен белүгә, өчәү бергә утырып сөй ләштек. Безнең туйга кадәр үк бер-берсенә гашыйк булганнар, шул вакыттан ук йөргәннәр. Ни өчен соң алайса ирем миңа өйләнгән? Нигә ул барыбызның да тормышын бозды?

Безнең игезәк кызларыбыз бар. Ирем балаларга алимент түләргә риза булуын, әмма тәрбияләргә теләмәвен әйтте. Ничек алай әйтергә була? Алар бит аның газиз балалары! Ничек үз балаларыңа карата шундый мөнәсәбәттә булырга мөмкин соң ул?

ИСЕМЕМ РЕДАКЦИЯ ӨЧЕН ГЕНӘ

Фото: freepik.com