Әгерҗе көллияте 1 нче курс студентларын каршы алды

1 сентябрь-Белем көне! Дуслар, чәчәкләр, елмаюлар һәм яктылык бәйрәме! Түбән Кама агросәнәгать көллияте филиалы ишекләре яңа уку елына старт бирү өчен яңадан ачылды. Быел көллият 93нче тапкыр үз студентларын каршылый. Ял иткән беренче курс студентлары беренче тапкыр белем йорты бусагасын атлап керде.

Студентлар, ата-аналар һәм укытучылар колледж ишегалдына тезелеп басып, Россия һәм Татарстан гимннарын тыңлады, шуннан соң аларны хөрмәтле кунаклар котлады.

Яңа уку елы барлык яшьләр өчен дә нәтиҗәле һәм белемгә, ачышларга, иҗатка һәм казанышларга бай булсын!