Бүген Әгерҗенең “Радуга талантов“ балалар иҗаты йортында шәһәребезнең иң актив яшьләре катнашында Яшь гражданнар форумы узды.
Чараның тантаналы ачылышында катнашучыларны Казан кунагы – Татарстан Республикасы балалар оешмалары советы директоры Екатерина Согрина, район башкарма комитеты җитәкчесе Андрей Авдеев сәламләделәр. Аннан яшьләр, өч төркемгә бүленеп, тугыз юнәлеш – эшмәкәрлек, сәламәт яшәү рәвеше, хокук саклау, белем һәм фән, мәдәният һәм иҗат, патриотик тәрбия, экология буенча үз тәкъдим-фикерләрен җиткерделәр. Соңыннан иң яхшы тәкъдимнәрне бергә туплап резолюция кабул ителде.
Якын киләчәктә район җитәкчелеге яшьләр белән берлектә әлеге тәкъдимнәрне тормышка ашыру юлларын эзләячәк.
Районыбызга кагылышлы яңалыклар белән безнең Telegram-каналдан танышыгыз
Нет комментариев